Kostverächterin
Musik: Alegre Corrêa
Text: Leni Lust
2009
Diese Welt ist voller Grauslichkeiten,
die mich wolln zum Schmaus verleiten,
hinterfotzig pickert mit Dekor,
vom Konditor.
S’is a Gfrett mit oi de siaßn Sachn.
Fräulein, tuans mi ned verlachen,
bringan’S ma an Schwarzn ohne Schlag!
Wann i sag.
Bin ka Zuckergoscherl ned,
obschon ich sehr gern naschn tät,
doch die köstlichen Genüsse san
Gift für meine Gallensteine.
Diese Cremeschnitten, Zimtschneckerl,
Punschkrapferl, Kirschfleckerl,
Nussbeugerl, Schaumrolln,
Sie, tan’s ned die Augn rolln!
Na, des ist mir nicht bekannt,
a wos is des? A Schichtkrokant, aso!
Kein Gluten, s’ tuat nur blähn.
Auf Maroniherzn, Mandlkipferl,
Cubabomben, Nougatschifferl,
Laaberg Kronen, Himbeerschüsserl,
Venusbrüstchen, Kokosbusserl,
Marzipan und Trüffeltorten,
Malakoff und Sacher sowieso
hätt i Gusto.
Bin ka Zuckergoscherl ned,
obschon ich sehr gern naschn tät.
Die Attaken auf mein’ Gschmackn san
für de Beißer Plombenreißer.
Giotto, Toffiffee und Toblerone,
Schokopudding von Danone,
Karamell und Tortenecken,
Gummibärli, Zuckerschnecken
und des Heer von Gustostücken,
die des schwache Mensch beglücken,
verleihn Flügel meinem Zuckerspiegel
Oba kostn lasst mi schon!